303 არის სივრცე, სადაც შეგიძლია საკუთარი თავი იპოვო. ჩემს შემთხვევაშიც ასე მოხდა, 303-ში შევძელი UX/UI დიზაინის მიმართულებით უმნიშვნელოვანესი ცოდნის დაგროვება, რამაც თავის მხრივ საშუალება მომცა აქ მიღებული ცოდნა თბს-ში გამომეყენებინა და ყოველდღიურად უამრავ საინტერესო პროექტზე მემუშავა. დიზაინ პროცესები ჩემთვის საინტერესო და აზარტულია,
კმაყოფილება  მაქვს და სიამაყის  გრძნობაც, როცა მომხმარებელს ცხოვრებას ვუმარტივებ.



ჩვენ ვცხოვრობთ გარშემორტყმული მომხმარებლის გამოცდილებით, როგორც ანალოგურ, ისე ციფრულ სამყაროში. ux დიზაინერის მოვალებაა პროდუქტი იყოს შექმნილი ჩვენი გამოცდილების საფუძველზე, ინფორმაციის მოძიების გზაზე ან ჩვენს აღქმაზე. ui  დიზაინერი კი ამ ყველაფრის ვიზუალურ გამოცდილებას ქმნის.


​​ვფიქრობ, იმისათვის რომ კარგ დიზაინერად ჩამოყალიბდე აუცილებელია გქონდეს სწრაფვა მუდმივი განვითარებისთვის, ამასთან უნდა გქონდეს ინდივიდუალურობის შეგრძნება და გიყვარდეს შენი საქმე, ამ ყველაფერს დავამატებდი უმნიშვნელოვანესს- უნარს შეგეძლოს მშვიდი და ფაქტებით გამყარებული საუბარი, რათა მომხმარებელთან და დამკვეთებთან სწორი კომუნიკაცია აწარმოო.
 

ინსპირაცია წყარო ყველთვის ჩვენს გარშემოა, მთავარია სწორად დავაკვირდეთ დეტალებს, ხშირად ვსეირნობ და ვაკვირდები ადამიანებს, მათ ქცევებს, თუ როგორ იღებენ მარტივ გადაწყვეტებს ყოველდღიურ ცხოვრებაში, ასევე ყოველდღიურად ვათვალიერებ სხვა დიზაინერების ნამუშევრებს.

კარგი ციფრული პროდუქტი ცვლის მომხმარებლის ცხოვრებას, ამარტივებს მათ ქცევებს და ზრდის მოთხოვნებს. ალბათ წარმოუდგენელია წახვიდე სამოგზაუროდ და არ გამოიყენო airbnb ან გიყვარდეს მუსიკა და არ იყენებდე spotify-ის, უამრავი მაგალითი შემიძლია მოვიყვანო, როცა მომხმარებლის ცხოვრება კარგმა ციფრულმა პროდუქტმა შეცვალა, ხოლო კარგი პროდუქტის შექმნა ux/ui დიზაინერის გარეშე შეუძლებელია.


უკუკავშირიც საკმაოდ  მნიშვნელოვანი ფაქტორია.ადრე ხშირად დამიშვია შეცდომა სტეიკჰოლდერებთან ურთერთობაში, ალბათ ყველა დიზაინერი დამეთანხმება, რომ მათთან ურთიერთობა არასდროს არის მარტივი, ამიტომ ვცდილობ მქონდეს ხშირი უკუკავშირი, მეტად გავიგო მათი მოთხოვნები და ერთად ვიპოვოთ გადაჭრის გზები, თუ სტეიქჰოლდერი ხედავს რომ პროცესებში მთლიანად ჩართულია აუცილებლად ჩვენი ურთიერთობა ჰარმონიული ხდება.

303მა აღმომაჩენინა ჩემს თავში და მასწავლა, თუ როგორ გავხდე მეტად პროდუქტიული. კვირის დასაწყისში ვადგენ ჩეკლისტს თუ რა მიზნები მაქ მთელი კვირის მანძილზე, თუ ამ გეგმას შევასრულებ კვირის ბოლოს საკუთარ თავს ვასაჩუქრებ. ამ სკოლაში მიღებული თეორიული და პრაქტიკული ცოდნა დამეხმარა  ვყოფილიყავი მეტად თავდაჯერებული.

კახა ფიჩხაიას ფინალური ნამუშევარი:

ბლოგის ავტორი: ქეთა ჟინჭარაძე