ოთხშაბათს, 21 იანვარს, 20:00 საათზე, ელექტრონული მუსიკის სკოლა 303Hz წარმოგიდგენთ DJing-ის კურსის ღია კარის დღეს, რომელიც ფოკუსირებულია ანდერგრაუნდ საკლუბო კულტურაზე, ვინილზე და თანამედროვე ციფრულ დიჯეინგზე.

ღია კარის დღის ფარგლებში განხილული იქნება DJ-ინგის როგორც ტექნიკური, ასევე კულტურული და თეორიული ასპექტები, რაც მოიცავს:

• DJ კულტურის მცირე ისტორიულ მიმოხილვას
• ფირსაკრავებთან მუშაობის საფუძვლებს და ვინილის კულტურას
• ბიტმეჩინგს 
• მუსიკის მოძიებას, დიგერობას და არქივის სწორ ორგანიზებას
• ციფრულ დიჯეინგს (CDJ, Rekordbox, ლუპები, Hot Cues)
• ივენთამდე მომზადებას, ტექნიკური პრობლემების მართვას
• კლუბურ საუნდსისტემებთან ადაპტაციას და სმენაზე ზრუნვას

კურსი დაფუძნებულია პრაქტიკაზე, გამოცდილებების გაზიარებასა და ინდივიდუალური ხედვის ჩამოყალიბებაზე. როგორ ჩამოაყალიბო საკუთარი თავი და სეტი.

 ღია კარის დღეს წარუძღვება 303Hz-ის მენტორი მიშა ღვინაფერიძე სასცენო სახელით MOCONGO.  

303Hz-ში DJ-ინგის კურსი აერთიანებს როგორც ვინილზე დაკვრას ასევე თანამედროვე ციფრულ ფორმატებს. კურსის განმავლობაში სტუდენტი ეტაპობრივად სწავლობს, როგორ მოამზადოს აპარატურა სამუშაოდ, როგორ შეასრულოს სრულფასოვანი DJ სეტი როგორც ფირსაკრავებზე, ასევე CDJ-ებისა და ციფრული აუდიო ფორმატების გამოყენებით.

კურსის ფინალურ ეტაპზე სტუდენტი ჩაწერს 1 საათიან DJ სეტს, რაც წარმოადგენს მის პირველ სრულყოფილ ნამუშევარს.

რეგისტრაციისთვის ეწვიეთ ბმულს : https://tinyurl.com/bddn2wyx