მუსიკის გარეშე არ მახსოვს ჩემი ცხოვრება, გიტარაზე პატარა ვიყავი, მასზე კლასიკური მუსიკის დაკვრა რომ დავიწყე, ბახს, ბეთჰოვენს ვაწყობდი. ათი წელი ევგენი მიქელაძის სახელობის მუსიკალურ სკოლაში ვსწავლობდი, კლასიკური გიტარა იყო მაშინაც ჩემი ინტერესის სფერო. ამის შემდეგ ჩავაბარე მეოცე საორკესტრო სკოლაში და ხუთი წელი ვისწავლე ჩასაბერი ინსტრუმენტების განხრით. საყვირი, საქსაფონი, ტუბა - რომელსაც ყველაზე დაბალი რეგისტრი აქვს და ყველაზე მეტად მომწონდა (ბასის პარტიას ასრულებს სიმფონიურ ორკესტრში). შემდეგ იყო სახელმწიფო კონსერვატორია, მაგისტრატურა. რაც შეეხება მუსიკის წაროებას, ბავშვობიდან ფანქრით ვწერდი სანოტო რვეულში კლასიკურ ნაწარმოებებს, მერე უფრო ციფრულ სივრცეში შემოვიჭერი და დავიწყე პროგრამებით სწავლა. იმ დროისთვის ბევრი შემოთავაზება მქონდა, საუნდტრეკებს ვწერდი თეატრებისთვის.

ორი ფირსაკრავი ვიყიდე და დავიწყე ფირების შეგროვება, დღემდე ბავშვივით მიხარია, როცა ვინმე ფირს მჩუქნის. მაშინ DJ-ინგზე წარმოდგენაც არ მქონდა, მაგრამ ვხვდებოდი რაღაც მაკლდა. ელექტრონული მუსიკის ფირფიტების ძიება დავიწყე, აპარატურაც შევიძინე და ერთმანეთში გადამიქსვა ჩემით ვისწავლე. მერე დავფიქრდი, რამდენად რთულია და საინტერესო, მაგრამ მარტივად მივდივარ ჩემი გამოცდილებიდან გამომდინარე და მოდი ელექტრონული მუსიკის დაწერას ვცდითქო. ასე ვიპოვე 303 Hz, კონსერვატორიის მეგობრები, მენტორები ვნახე აქ და მივხვდი არსად წავიდოდი. დღეს მე თვითონ მენტორი ვარ და ვასწავლი სტუდენტებს დიჯეინგს, რაც ჩემთვის ძალიან საინტერესო და საყვარელი პროცესი.

ვიდეო გაფორმებულია დათუნას მუსიკით.